Gazetrarja dhe shkrimtarja Klara Buda, në Radio Liria.

Gazetarja, publicistja, studiusja dhe shkrimtarja Klara Biuda është e ftuara speciale në emisionin "Përsonazhi i javës në Radio LIRIA.

Emisioni transmetohet ditën e shtunë më 21.10.2017, në ora 22:00.


Biografia:

Pas studimeve universitare për letërsi moderne dhe të krahasuar në Sorbonë, Paris IV, Klara Buda ndryshon drejtimin fillestar, atë të mjekësisë veterinare. Më pas pranohet në Ecole Pratique des Hautes Etudes, në degën Metoda të Historisë, Arkeologji dhe Histori arti. Në vitin 1996, nën drejtimin e albanologut Christian GUT, mbron Dimplome d’Etude Aprofondi në Histori Arti, duke u bërë kështu e para shqiptare e diplomuar nga ky universitet prestigjioz francez. Paralelisht me studimet Universitare, punon në Paris, fillimisht në sektorin e komunikimit të UNESCO-s dhe më pas si gazetare për BBC dhe për Radio France Internacionale (RFI). 

Në vitin 1993 i atribuohet Karta Profesionale e Shtypit Francez dhe gazetaria bëhet profesioni i saj i parë për dy dekadat në vazhdim. Duke filluar nga viti 1999 është gazetare e specializuar në RFI dhe në vitin 2005 bëhet shefe e edicionit të lajmeve. Në këtë kohë, gjithe duke punuar ne kohe te plote si gazetare ajo specializohet në mesimdhenie per formimin e gazetarëve profesionistë dhe bëhet pjesë e ekipit të formatorëve të Radio France Internacionale. Përmes sektorit të jashtëm të RFI-se dhe në kuadrin e programit europian Phare për Ballkanin Perëndimor duke filluar nga viti 2000 ajo kryen expertiza të mediave dhe drejton formimin e gazetareve në vendet e këtij rajoni. Veçanërisht mund të permenden programet e trainingut në Radio Televizionin Maqedonas, në vitin 2003 dhe në Radio Televizionin Shqiptar RTSH, në vitin 2007.   

Në vitin 2006 emërohet shefe e redaksise shqipe të RFI-së ekipin e të cilës e drejtoi deri në mbyllje, në vitin 2010. Gjatë kësaj periudhe Redaksia Shqipe fitoi në prestigj, në gjirin e 19 emisioneve të gjuhëve të huaja të RFI së si dhe krijoi lidhje të ngushta me Radio Televizionin Shqiptar. Një numër projektesh të përbashkëta me Radio Tiranën u realizuan në këtë moment, disa prej te cilave, ku mund të permendet edhe një program I përbashkët me Radio Tirana 2, do të përfundonin së bashku me mbylljen e Redaksisë Shqipe të RFI-së, në vitin 2010, gjë që koencidon me fundin e luftës së ftohtë dhe mbylljen e Redaksive të tjera të gjuhëve te ish kampit te lindjes, si Redaksia polake, serb e kroatisht apo te Radaksive te tjera historike në  gjuhen shqipe, si ajo e BBC, së në Londër. Pas mbylljes së redaksise shqipe, mes dy mundësive, asaj të sisemimit në gjirin e shërbimit francez dhe asaj të përfitimit të një viti shkollim në fushëen e zgjedhur prej saj, Klara Buda zgjodhi këtë të fundit dhe përfitoi një nga kontrata më interesante që RFI ja ka dhënë ndonjëherë për një punonjës të saj, qoftë ky I shërbimit francez apo i shërbimit të gjuhëve tv huaja që vendos të largohet. Ajo ishte nga të rrallët gazetare me titullin Redactor en Chef, që largohet me dëshirën e saj në një kohë që I gjithë ekipi I redaksisë shqipe që ajo drejtonte pranoi të sistemohej në vende të ngelura bosh nga largimi I personelit në shërbime të tjerë të RFI. Përmes kësaj kontratë ajo përfitoi, një vit shkollim ne USA dhe një ndihmë të konsiderushme për themelimin e studjos së saj private të prodhimit televiziv dhe filmik Beratinus, në vitin 2011, në New York City. 

Klara Buda njihet gjithashtu edhe si eseiste dhe romanciere. Punimet e saj Universitare mbi veprën e Mitrush Kutelit, sjellin një analizë të nuancuar mbi këtë autor dhe teknikën e tij të tregimit të shkurtër, pagëzuar rrëfenja dhe e destinuar për tu treguar. Në kuadër të këtyre studimeve ajo përkthen në frëngjisht rrefenjën “Fshati im e pi Rakinë”, si edhe punon për një biografi letrare të këtij autori. “Lulebajamja Kuteliane, Biografia Letrare e Mitrush Kutelit” në shqip është në proces botimi.   

Në vitin 2009 boton romanin Kloroform ku përshkruhet absurditeti i sistemeve totalitare dhe liria e brendëshme e individëve si mjet i mbijetesës nën diktaturë. Klara Buda pohon kështu pamundësinë e çdo sistemi, sado i tmerrshëm qoftë ai, për ta shkatërruar tërësisht idealin e lirisë. Nga dashuria e ndaluar dhe dhunimi i intimitetit për të përfunduar me toksikomanet e fshehur në statistikat zyrtare, ajo trajton tema për një kohë të gjatë tabu. Aktiviste, Kulturë, të Drejtat e Njeriut Në vitin 1997, ajo themelon në Paris shoqatën “Diagonale Franco-Albanaise, Art, Culture, Litterature” që ka për objekt krijimin e urave në mes të kulturës franceze e shqiptare. Fillimisht dhe gjatë gjithë kohës që punoi dhe jetoi në Paris ajo u përpoq të themelojë një shkollë shqipe në Paris, intra muros, duke besuar se komoditeti dhe lehtësia e ardhjes në vendin e zhvillimit të mësimit do të lehtësonte arrdhjen e fëmijëve nga rrethinat. Shkolla të ndryshme kanë egzistuar përkohësisht në periferi të kryeqytetit francez por ato i kanë shërbyer komuniteteve lokale pa mundur të bëhen, shndërrohen në një qendër aderuese e lehtësisht aksesibël për të gjithë. “Diagonale Franco-Albanaise, Art, Culture, Litterature”  organizon aktivitete letrare në bashkëpunim me « Printemps des poètes » në Francë ndër të cilat mund të përmendet promovimi i veprës së Ali Podrimjes në  mars 2003. Në vitin 1998, Klara Buda është shumë aktive në gjirin e “Comité Kossovo” pranë Revistës “Esprit” në Paris, shoqatë që punon për sensibilizimin e intelektualëve francezë për terrorin e ushtruar në Kosovë. Në 23 Qershor 1998, së bashku me Gazetaren M-F Allain ajo redakton “The fate of Kosovo common declaration on basic principles”. Ky peticion u mbeshtet nga një numër ilustrë intelektualesh francezë. Klara Buda është firma e dytë e peticionit të intelektualeve francezë drejtuar Qeverisë së tyre dhe Komunitetit Ndërkombëtar për të ndaluar pastrimin ethnik dhe terrorin e ushtruar nga forcat ushtarake  dhe para ushtarake serbe në Kosovë. Shih “Memoire du Kossovo”.


Botimet:

STUDIM AKADEMIK FRENGJISHT 1997  Ecole Pratique des Hautes Etudes, prane Sorbonnes, Paris

1.  1997- Mitrush Kuteli, Biografia letrare, në frëngjisht dhe Përkthimi në frëngjisht i Rrëfenjës « Fshati im e pi rakinë », Mitrush Kuteli 

FICTION

2.  2009 Roman Kloroform, Botimet Dudaj, ISBN 978-99943-0-139-3 
Përshkruhet absurditeti i sistemeve totalitare dhe liria e brendëshme e individëve si mjet i mbijetesës nën diktaturë. Klara Buda pohon kështu pamundësinë e çdo sistemi, sado i tmerrshëm qoftë ai, për ta shkatërruar tërësisht idealin e lirisë. Nga dashuria e ndaluar dhe dhunimi i intimitetit për të përfunduar me toksikomanet e fshehur në statistikat zyrtare, ajo trajton tema për një kohë të gjatë tabu.

PERKTHIMI LETRAR
3.  2016 - Mitrush Kutelit në frëngjisht, botohet per here te pare ne FRANCE 2016 Rrëfenja  « Fshati im e pi rakinë» e Mitrush Kutelit, përkthyer në frëngjisht. Éditions Fauves, Paris, 2016. ISBN: 979-10-302-0046-1 

ESSEISTIKA 

4.  2017 “Kosova Mon Amour”- fiton “Çmimi i esesë Panairi i Prishtinës 2017” – sot 21 tetor-  LIBRI ME I SHITUR NE KOSOVE  “Kosova Mon Amour”, ese dhe artikuj mbi luftën e Kosovës, Totalitarizmin dhe Letërsinë. Ribotoi PEMA, Prishtina, 2017, ISBN 978-9951-72-142-4.

5.  2017 “Rrëfenja kuteliane”, Ese, Ombra GVG, Tiranë, Shqipëri, tetor, 2017

Versioni shqip i punimit akademik I Klara Budes mbi Kutelin, perkthyer ne shqip nga Adrian Koxha

Biografia e këngëtarit Driton Gashi

Driton Gashi ka lindur në Prishtinë në vitin 1975. Në moshën pesëmbdhjetëvjeçare emigron me familje në Gjermani. Ka studjuar për gjuhësi dhe pedagogji në Universitetin e Bochum-it dhe punon si pedagog shkolle dhe këshilltar pedagogjik në një kolegj për të rritur në qytetin Dortmund. 

Studimet pasuniversitare i ka mbaruar në Fakultetin e Drejtësisë në Universitetin e Hagen-it dhe ka marrë titullin akademik "Magjistër i Drejtësisë", "Master of Mediation" (MM), (ndërmjetes privat dhe jashtëgjyqësor në raste të konflikteve familjare). Nga viti 1993 punon për dhjetëra gjykata dhe institucione tjera të larta shtetërore si përkthyes i betuar dhe i autorizuar gjyqësor për gjuhën gjermane dhe shqipe. 

Me muzikë mirret që nga fëmijëria dhe deri tani ka publikuar dy albume me muzikë të lehtë shqiptare dhe ndërkombëtare, “Driton Gashi” (2000) dhe “This is my life” (2010). Është bashkëpunëtor i rregullt i disa gazetave dhe revistave shqiptare dhe gjermane, ku ndër të tjerash shkruan lidhur me aktivitetin kulturor të mërgatës shqiptare si dhe fenomenin dhe pasojat e migrimit. Po ashtu, është përkrahës i madh i Shkollës Shqipe në Gjermani si ekspert i dygjuhësisë, si ndërmjetës mes komunitetit shqiptar dhe palës gjermane si dhe në rolin e lektorit dhe përkthyesit gjatë përpilimit të teksteve shkollore. 

Driton Gashi mirret edhe me përkthime letrare. Ka përkthyer nga shqipja në gjermanisht poezi nga shumë krijues shqiptarë. Përmbledhja me këngë popullore dhe të lehta nga të gjitha trevat tona “Këngë të paharruara shqiptare” (Prishtinë, 2011) është libri i tij i parë në gjuhë shqipe, në gjuhën gjermane Driton Gashi ka botuar disa punime shkencore në fushën e pedagogjisë ndërkulturore.

Bajrush Morina - Biografia

Unë jam Bajrush Morina. Emrin Bajrush e kam të veçantë....Kur kam nisë me mësu në shkollë për tipet dhe llojet emrave e kam kuptu se dallimi në mes të emrit Bajram dhe Bajram edhe Bajrush është i njëjtë si Lepur – Lepurush ose pak më vrazdhë Magar – Magarush... Pra mësuesja ime Melihate nga Gjakova mbaj në mend se na thoshte se prapashtesa USH është përkëdhelëse, pra diçka më e butë, më e vogël.

Nejse
Më kanë regjistruar më më 10 dhjetor 1962. Por nana ime më thotë se jam regjistruar me vonesë. Unë jam fëmia i parë i prindërve të mi dhe atëherë babës i ka ardhë marre me shku me regjistru fëmien te ofiqari. “Hajt se ka vaktë! Hajt se ka vaktë!” i kishte thënë nana babës 55 vjet më parë.
Kam lindur  në fshatin Gexhë, komuna e Rahovecit. 
Katundi im është afër Urës së Fshejtë.
Më lidhin shumë kujtime me Urën e Fshejtë!
Po ua tregoj një:
Kam shkuar me dele ose me dhenë me axhën tim ndjestë pastë qysh si fëmijë. Kur i qonim delet te Ura e Fshejtë axha Ramiz, vëllau i babës ndjesë pastë, më tregonte legjendën e Urës së Fshejtë.
“A e sheh atë lëngun e bardhë aty që rrjedh gurëve të themeleve të Urës së Fshejtë. Është lëngu i asaj kunatës së vogël të 3 vëllezërve hasjanë që kanë ndërtuar urën...Pastaj ma tregonte për më shumë se një ore gjithë legjendë e murosjes së një gruaje për të mos u shembur ura natën....Ai tambël i bardhë që shihej si rrjedhë mbi gurët e themelit të urës së Fshejtë kishte qenë i gjirit të nanës – gruas e cila kishte pranuar të murosej në murë por që kishtë pasë një amanet: tia linin gjinin e djathtë përjashta dhe që sa herë që do të kishte uri djali i vogël tia sillinin te muri dhe ta ushqenin me tamlin e saj...” Kur kam dëgjuar në fillim këtë rrëfim nga axha ime më janë mbushur sytë me lotë....Kam ndjerë dhembje për djalin jetim....Xhaxhai më thoshte se deri vonë ka rrjedhë një lëng i bardhë nga një gurë që është themel i Urës së Fshejtë. Thuhet se ata që kanë pasë probleme me shiqim, kur i kanë pastruar sytë me atë ujë u ka ardhë shiqimi...
Tash Ura e Fshejtë është një monument më shumë se kulturor. Është një bukuri e rrallë. Kur të vjen ti miku im Haxhi Mehmeti të tregoj lëngun e bardhë në themelet e urës së Fshejtë...e.dhe historinë e urës që ma ka dërguar xhaxhai im.
Aty afër urës së Fshejtë ka një restoran të mirë të peshkut të Drinit të Bardhë...Ne në Kosovë e kemi “gjarpin në xhep” pastaj nuk shtyhemi fort për pagesë sepse e dijmë që ju diaspora gjithmonë na keni mbajtur gjallë, na keni ushqyer tash e sa vjet e vazhdoni të na ushqeni me gjithë të mirat...Veç se ne e kemi qu pak “hundën përpjetë!’. Daja Idriz, daja im ndjesë pastë do të thoshte: E kemi qu shurrën përpjete e nuk po ju bëjme hiq hesap!
Nejse!
Paskam edhe diçka për biografinë timë.
Pih... po e gjatë qenka!

Shkollën fillore e kreu në vendlindje e të mesmen në Rahovec. Në vitet 1982-86 kam  kryer me sukses studimet në Degën e Gjuhës e letërsisë shqipe në Prishtinë. 
Pas përfundimit të studimeve kam punuar një kohë të shkurtë arsimtar i gjuhës shqipe, në Ratkovc dhe në Rahovec për të vazhduar profesionin e gazetarit të cilin edhe sot e ushtroj.
Në fillim kam qenë gazetar i revistërs rinore “Zëri i rinisë”, pastaj kryeredaktor i gazetës së studentëve “Bota e re”. Pas lufte kam punuar për më shumë se 10 vjet në gazetën ditore  “Bota sot”.
Tash e kam një gazetë online – portal me emrin Botapress. Jemi një ekip prej disa vetash. Djalin e madh Megzonin e kam menaxher...Ai është IT (Aj ti) ....e mbanë gjallë online portalin. Na të tjerët shkruajme e postojmë gati 20 orë online.

Kam botuar 3 libra me shkrime publicistike, 
“Me dy burra të Kosovës I Rugova e M Krasniqi”
 dhe “Haga, qelia ime nr. 26”, 
“Intervista në kohë lufte” 2013 

Kam regjistruar studimet për master më vitin 2005 të cilat i kam përfunduar me sukses të lakmueshëm. Gjatë kohës së studimeve për master kam shprehur interesim për problemet e morfologjisë historike të gjuhës shqipe dhe në konsultim paraprak  me akademik Rexhep Ismailin kam marrë temën “Periodizimi i historisë së gjuhës shqipe – pikëpamjet e Besim Bokshit” të cilën e kam mbrojtur në janar të vitit 2013.

Jam i interesuar që të vazhdoj studimet për doktoraturë në Degën e gjuhës shqipe dhe të merrem në vazhdim me problemet e morfologjisë historike të shqipes, me theks të veçantë me probleme të vendit të theksit në gjuhën shqipe, të zanoreve të shqipes dhe me çështje të ndërlidhjeve të gjuhëve ballkanike.
  
Por këto studime më kanë mbetur në gjysme...Do të pensionohem e ndoshta nuk do të arrij të mbroj doktoraturën, po flas për doktoraturën e vëretë përballë akademik Rexhep Ismajlit se doktoratura të natës ka boll sa të duash, por ato nuk i dua....

Ja ky është fundi i biografisë time...Shpresoj të mos jetë këtu fundi!
Kam edhe shumë punë për të bërë! 
Kam edhe shumë çka të shkruaj!
Për shembull mund të shtoj edhe diçka: Gjithë jetën kam qenë gazetar. Njëherë kam punuar në Minsitri të Kulturës si këshilltar politik. Një punë e mërzitshme. Këshilltari politik është taksirati i buxhetit të shtetit.

Ata që më njohin ose që kanë pasur mundësi të lexojnë dicka nga unë e dijnë se kam qenë dhe vazhdoj te jem gazetar rrebel, zevzek, i parahatshëm!
Kjo më ka mbetur që nga fëmijëria.
Kam qenë dhe kam mbetur vëlla i vetëm, vëlla për hasret. Vëlla i 8 motrave...Duke qenë i lazdruar në fëmijëri, vazhdoj të jem i lazdraur edhe sot në profesionin tim. Shkruaj e flas rend e pa rend. Ndonjehërë ia qëlloj por ndonjëherë edhe gaboj. Nuk jam as gazetari më i mirë e as më i keqi. Thjesht jam vetëm gazetar.
E tash mund të flasim deri në mëngjes!

.   .   .

Në karrierën time prej gazetari kam pasur shumë sfida.
Kur jam pranuar në Zëri, në vitin 1988 më kanë trajtuar si “katundar” Kolegët e mi në atë kohë (nuk po ju përmend emrat se tash do janë në pushtet e do nuk kanë qef as emrin me ma ndi) më trajtonin bile si ‘rahovecjan e katundar”. Demek ata ishin “shehrli” të Hajvalisë e të Vranjevcit!
Që të bëhem gazetar më ka ndihmuar, prirjja ime për gazetari, suksesi im i shkelqyeshëm në të gjitha nivelet e shkollimit ndërkaq ma kanë dhënë krahun Hashim Rexhepi e Agim Zogaj. Edhë në atë kohë, ne vitet 80-ta e 90-ta këto punë kanë shku pak me të njofshëm. Në fakt në testim besoj se kam qenë ndër 4 a 5 më të mirët. Pastaj ka vendosur kryeredaktori I revistës Zëri I Riniës Agim Zogaj…
Në Zëri kam mësuar se sa krenar je kur bën një shkrim të mirë dhe aq shumë ndjehesh i poshtëruar kur shkruan ndonjë shkrim pa fakte. I kam përjetuar të dy këto ndjenja.
Gjatë punës si gazetar kam njohur e takuar personalitete të njohura shqiptare e të huaj.
Ismail Kadarenë e kam takuar në gusht të vitit 1990 në Tiranë. Prej gazetarëve para meje Kadarenë e kishte takuar Llukman Halili.
Kam takuar më vitin 1992 në Nju Jork Dioguardin, Tom Lantosh, Elito Engel…Sami Repishtin.
Në “planetin” tonë të vogël, në Kosovë kam takuar shumicën e emrave të përveçëm të jetës publike politike e kulturore në vendin tonë.
Por do të dalloj dy personalitete. Ibrahim Rugovën dhe Mark Krasniqin. Me këtë të fundit kam patur fatin të jem deri në çastet e fundit të jetë së tij.
Për këta dy kam shkruar një libër të përbashkët.
Sa herë e kam takuar presidentin Ibrahim Rugova jam ndjerë shumë më i fortë e më I sigurtë ne vetvete. Ai njeri ka pasë një pozitivitet dhe një energji të madhe që e ka dhuruar të të gjithë ata me të cilët ka patur takime, biseda, intervista…. Kam mësuar shumë për gurin mullirit të gjyshit të tij prej nëne, për shallin e rugovasve, për durimin si parim të njerëzve të fortë e të palëkundur.
Prej Mark Krasniqit kam mësuar guximin, përkushtimin, ashpërsinë e reagimit – shpërthimin : flakë për flakë e fyt për fyti! Diçka nga ashpërsia ime prej gazetari ka prejardhjen prej Mark Krasniqit.
Gjatë lufës jam deportuar nga Kosova si gjysma e popullit shqiptar në Kosovë.
Kur ka hyrë NATO kam shkuar në Linz të Austrisë dhe u kam thënë: Unë nesër do të kthehem në Kosovë! “Nein!’ më ka thënë austriakët “ “Ist noch geferlich in Kosova!’ Ec more çfare “geferli”. 
Jam kthyer pas disa muajsh në Kosovë.
Por nuk e kam gjetur ashtu siç e kam menduar vendin tim. E mbi të gjitha popullin tim
As sot nuk është Kosova vendi im I dëshiruar. Vendi ku kam qef të jetoj mirë e lirshëm unë e familja ime.
Kosova nuk është vendi I ëndrrave të popullit shqiptar të Kosovës
Fatkeqësisht Kosova edhe sot është shdnërruar në një vend ku pakicat janë të privelegjuara të jetojnë e ku shqiptarët janë të diskriminuar në politikë në të drejta, në lëvizje të lirë!
Dhe e keqja është se shqiptarët janë të diskriminuar nga politikanët shqiptar.
Ndaj sonte dua të flas me ju

Për profesionin e gazetarit – për sfidat e këtij profesioni sa atraktiv aq edhe të bezdisshëm
Për vrasjen e kolegëve të mi gazetarë Bekim Kastratit e Bardhyl Ajetit
Për bisedën e fundit me Xhemajl Mustafën, 3 orë para vrasjes!
Për luftëtarin Gani Geci I cili u ka shpëtuar disa atentateve të pasluftës
Për njohjen me Ritat Jasharin në Munih më vitin 1993 dhe për intervistën e parë me Rifat Jasharin në prirll të vitit 1999 pas maskarës së Prekazit
Për  natën e vitit të ri më 2008 bashkë me kriminelët me të mëdhenj në Tribunalin e Hagës
Për Shqiptarët e ndarë në copa politike e ideologjike
Për kosovarët  e shpifur dhe shqiptarët e diskriminuar nga pakicat në Kosovë
Për pavarësinë e cunguar të Kosovës dhe për lirinë e munguar të Kosovës
Për Evropën që po na rren me viza dhe për demarkacionin që po na shkon toka 
Edhe për kretj cka të doni ju miq të mi 

Prortreti i mërgimtarit Rrustem Seferi

Rrustem Xhemajl Seferi

Njeriu i dashuruar në vlerat e kulturës 

dhe traditave shqiptare

          Rrustem Xhemajl Seferi është njëri nga pinjollet e familjës së Sefer Kleçkës, bashkëluftetarit dhe krahut të djathtë të Idriz Seferit e Isa Boletinit. Është njeriu i dashuruar në vlerat dhe traditat kulturore, shpirtërore e kombëtare. Është veprimtari i paludhur i diasporës dhe mërgimtari që flen dhe zgjohet me mendjen të atdheu.

         Si shumë familje shqiptare të Kosovë qe ishin të njohura për kontributin e vleshëm qe kishin dhën gjatë historisë për çështjen kombëtare, e till ishte edhe familja e njohur Seferi, familja e atdhetarit Sefer Neziri (i njohur në popull si Sefer Kleçka). Kjo familje mbikqyrej nga organet e pushtetit komunist jugosllav, si familje armike që kurr nuk ishte pajtuar me të këqijat e komunizmit. Pushteti jo vetem qe e mbikqyrte familen Seferi, por ata ishin të përjashtuar nga e drejta e punësimit në ndëmarrjet shoqërore të asaj kohe.

        Personazhi i këtij shkrimi, Rrustem Seferi, kishte shumë ëndrra. Ndër të tera, ai ëndrronte për të studiuar historinë e lavdishme të popullit të tij, gjuhën e letësnine shqipe ose drejtësinë, por për shkak të gjendjes ekonomike dhe vështirësive të krijuara nga pushteti, e kishte të pamundur. Përkundër faktit se dëshirat e tij ishin krejt tjera dhe synimet shumë më të mdhaja, ai pas kryerjës së arsimit fillor u regjistrua në medrese. Pavarësisht se e kreu medresenë dhe punoj në disa vende si praktikant në mujat e ramazanit, atij ju pamundësua qe të bëhej imam. Kjo ishte arsyeja që ai vendosi që të vetpunësohej, duke hapur kësisoj një kisokë për shitjen e gazetave përballë minierës në Golesh, por edhe aty nuk e lën rehat. Akuzohet se qëllimisht nuk e ka qitur flamurin jugosllav më 29 Nëntor. Pas akuzave të bëra, Rrustemi detyrohet për të marrë rrugën e kurbetit.

         Në vitin 1987,  Rrustem Seferi emigron në Norvegji. Atje angazhohet në veprimtari të ndryshme dhe merr pjesë në demostratat e athershme të cilat organizoheshin nga mërgata të cilat kishin për qëllim ta njoftonin opinionin ndërkombëtarë për padrejtësitë që iu bëheshin shqiptarëve të Kosovës nga shteti serbojugosllav. Sëkendejmi, në vitin 1999 angazhohet në reformimin e Qendrës Ismaike Kulturore  Shqiptareve që vepronte në Norvegji, duke hequr nga dokumentet dhe vula e kësaj Qendre gjyëmhenën dhe duke vendosur në vend të saj shqiponjën dykrenare. Njëherit Rrustemi e përkrah edhe veprintarinë kulturore e atdhetare të Shoqatës “Rilindja” që vepronte në kuader të QIKSH-së. Po ashtu, në atë kohë, Rrustem Seferi jep kontribut të vleshëm edhe për fondin e tre përqindëshit dhe në aksionin “Familja ndihmon familjën”. Gjithashtu Rrustemi fillon të bashkëpunoj edhe me Radio Tiranën, gjegjësishtë me gazetaren e departamentit për shqiptarët jasht atdhut, me z. Suzana Zurakja. Kurse në vitin 2015 e bën në projekt për themelimin e Shtëpisë së Mërgatës në Kosovë, të cilin ia dorzon zyrtarisht zëvëndësministrit të diasporës, z. Sahit Krasniqi.

         Veç angazhimeve tjera, Rrustem Seferi e jep një kontribut shumë të madh edhe në Radio “Zëri i Arbërit”. Ai bashkë me kryeredaktorin e kësaj radio z. Imri Trena e moderojnë emisionin shumë të qëlluar dhe të dëgjuar “Me thesaret e odave shqiptare”. Njëkohësisht është anëtarë i Këshillit Pajtues të Diasporës, duke ndjekur kësisoj rrugën e paraardhësve të tij Seferr dhe Halil Kleçka të cilët janë të njohur për punën e madhe që e kanë bërë në pajtimin e qindar familjeve të hasmuara shqiptare.

         Rrustem Seferi ështe edhe lexues i pasinonuar. Ai i reciton me dashuri vargjet nga Lahuta e Malcisë së Gjergj Fishtës. Mbledh me pasion dhe tregon më përkushtim anekdotat e tregimet popullore. Është i dashuruar në bardhësinë e plisit dhe në vlerat e kulturës dhe tradiave shqiptare.

H. Muhaxheri

Gani Mehmetaj - Biografia

Gazetar, publicist, shkrimtar, dramaturg dhe kineast, Gani Mehmetaj, (1955), lindi në fshatin Dubovë, komuna e Pejës. Shkollën fillore e Gjimnazin i kreu në Pejë, Fakultetin e Shkencave Politike, degën e Gazetarisë e kreu në Universitetin e Prishtinës, ndërsa studimet pasuniversitare në Universitetin Ndërkombëtar. Shkroi kritika filmi, ese e studime, ishte redaktor, analist e komentator në gazetën e përditshme  “Rilindja” të Prishtinës. Ishte ndër nismëtarët dhe themeluesit e Lidhjes Demokratike të Kosovës me kryetar Ibrahim Rugovën, partisë që i vuri kornizat dhe e themeloi shtetin e pavarur të Dardanisë.  

Gjatë viteve 1997 – 1999, Gani Mehmetaj, ishte redaktor, pastaj kryeredaktor i gazetës "Rilindja-Botimi për Perëndim" me seli në Cyrih ( Zvicër). Pasi u kthye në Kosovë në fund të vitit 1999,   themeloi gazetën e përditshme “Dardania press”, drejtoi revistën Titanic. Punoi në Qendrën Informative të Kosovës, pastaj ishte redaktor përgjegjës dhe drejtor i gazetës “Bota sot”, drejtor i revistës “Anza”. 

Është profesor në Fakultetin e Arteve Mediale, ku ligjëron lëndët: Adaptim filmi, Histori filmi dhe Estetikë. Është ndër krijuesit dhe intelektualët më të angazhuar në trajtimin e problemeve e fenomeneve devijante që e karakterizojnë kohën e tranzicionit, përkatësisht periudhën traumatike të pasluftës. 

Është producent dhe drejtor i Kosovafilmit. Jeton e punon në Prishtinë. 


Ese filmi e publicistikë: 

• “Magjia e ekranit”- Kritikë filmi  (2005), “Kosovafilmi”, Prishtinë.  
• “Për shtetin e Dardanisë”, intervista me personalitetet politike, (2006),  “Faik Konica”, Prishtinë.  
• “Dardani a Shqipëri etnike“, analiza, ese (2007),  “AIKD”, Prishtinë. 
• “Udhëkryqet pas Rugovës”, komente, ese (2007), “Dardania press”. 
• “Shqiptarët në vlimet ballkanike-1990-1999” (2008), shqyrtime, botoi “Titanic”, Prishtinë.  
• “Sfidat e pavarësisë “ (2009) analiza,  
• “Sharmi i filmit”, (2010) historia e kinematografisë në Kosovë dhe Shqipëri, “Kosovafilmi”.  
• “Kosova: Sfidat e pavarësisë” (2010), studim,  Universiteti Ndërkombëtar i Strugës.
• “Ëndrra e madhe”, kujtime (2015), A di zoti shqip”, 2016, 
• "A di zoti shqip", ribotim i plotësuar 2016. 
• “Adaptim filmi, si të shkruash skenar origjina ose të frymëzuar nga romani, drama e kronika sociale e gazetës”, dedikuar studentëve të Akademisë së Filmit, botues Akademia Evolucion, Prishtinë, 2014. 
• “Kolosët e filmit”, -pjesë  nga historia e filmit, libër për studentë dhe për filmofilet, botus Fakulteti i Arteve Mediale, Akademia Evolucion. 

Veprat letrare:

• “Kujtime të trishta”, tregime, (2010),  “Dardania press”, Prishtinë,
• “Qyteti në ankth”, roman (2011)  “Dardania press”. Prishtinë,
• “Aventurat e Lulisë” (Kalorësja e arratisur e bashkimit kombëtar), roman (2012),
• “Nata e fantazmave”, triptik me një monodramë (2014).
• “Ilirianët”, tregime, 2015, “Dardania press”, Prishtinë,
• ”Ëndrra e madhe”, kujtime, Dardania press, 2015, Prishtinë,    
• “Zhvarrimi”, roman 2016, Dardania press, Prishtinë,
• "Boritë e Apokalipsit", roman 2017. “Dardania press”, Prishtinë,

Shkroi tre skenarë për filma artistik të metrazhit të gjatë dhe katër skenarë për filma të shkurtër.

                     

Ajet Shala - Biografia

Ajet Shala

Ajet Shala u lind në fshatin Kopiliq, KK Skënderaj. Shkollimin fillore e kreu në Turiçec. Ndërsa, gjimnazin në Skënderaj. Studimet universitare në Prishtinë, në fakultetin juridik. Është jurist i diplomuar, gjeneratë e viteve të 80-ta, aktivist dhe pjesëmarrës i dalluar në çështjen kombëtare dhe në demonstratat e vitit 1981. Pas diplomimit në juridik një kohë si i pa punë dhe me ndërhyrjen e Serbisë në  sistemin kushtetues në   vjeshtën e vitit `89 detyrohet të largohet nga atdheu për në mërgim, pikërisht në Zvicër. Nga viti 1990 është kontribues shumë i dalluar në çështjen kombëtare, në veçanti në vendlindje dhe në komunën e Skënderajt, donator i parë i medikamenteve kyqe të kërkuara në atë kohë në Kosovë, duke i ofruar Shoqatës Nëna Terezë, në Skënderaj medikamente në vlerë 3600 fr. Klubit Futbollistik “Drenica” në Skënderaj i ka dhënë paisje në veshmbathje sportive në vlerë prej 3750 fr. dhe që nga viti `90 e gjer në fillim të luftës në Kosovë.

Përmes Shoqatës Nëna Terezë për çdo vit u shpërndau nevojtarëve të fshatit Kopiliq nga 5000 kg miell falas.

Shkollës së Turiçevcit, në vitin `96 i bleu drutë për ngrohje në vlerë prej 2000 DM dhe komplet xhamat e shkollës në vlerë 650 DM, si edhe për disa vite me radhë ndihmë në libra e fletore nxënësve të kësaj shkolle. Aktivistë i dalluar i Grupit të Emergjencës në Zvicër, pas fillimit të luftës.

Me kontribut prej 18.000 fr.ch kryesisht në fondin “Vendlindja thërret”, ndihmë Shtabit të UÇK-ës në Aqarevë me armatim e municion, aktivist dhe shtyllë në Lëvizjen mbarë kombëtare UNIKOMB, ku në verën e vitit 2012, organizoi tryezën shkencore në Skënderaj për heroin që sfidoi historinë, Milosh Nikollë Kopiliqin dhe bëri rindërtimin e inaugurimin e Bunarit të Milosh Kopiliqit në Kopiliq të ulët, i vjetër që nga viti 1350. Në praninë e 500 pjesëmarrësve, për projektin e bunarit shpenzoi mbi 7.500 € Me rastin e 100 vjetorit të Pavarësisë bëri mbi 200 mirënjohje për heronjtë, martirët dhe familjet e martirëve, gjatë këtyre 100 viteve, përmës Lëvizjes UNIKOMB, në vlerë mbi 1000 € dhe shumë raste të panumërta si kontribute më të vogëla.
Ajet Shala është autor i dhjetë, vëllimeve poetike, liriko-epike: 


Libra të botuar brenda viteve 2013-2016

1. “NË KRAHËT E MJELLMËS”                
2. “ATDHEU BRENDA VETES” 
3. “PLISI I DHEUT DARDAN”  
4. "LIRICHE DEI MONTI" në italisht “Lirika e bjeshkëve” 
5. “KODI I URËS” 
6. "ANTOLOGJI PËR ÇLIRIMTARËT: ILAZ KODRA E ANTIGONA FAZLIU" 
7. "KROI I FJALËS"
8. "ANTOLOGJI IDEALIT TË DËSHMORIT SEJDI KRALANI *BALLISTI* 
9. “BISEDË ME ATDHEUN” 
10. ”RRAPI ARBËROR” 

Njëherit, autori është pjesëmarrës i shumë antologjive dhe i pranishëm nëpër faqet e gazetave dhe revistave që publikojnë shkrime letrare qoftë në vend qoftë në ato elektronike. Për Autorin u shkrua në shumë vende si në Kosovë e Shqipëri, ashtu edhe në një numër të konsideruar të gazetave për lexuesit shqiptar, që dalin në Romë, Athinë, Londër, por edhe në gjuhën e vendit ku jeton autori, në Zvicërr. 

Antologjisti Ajet Shala, më parë se një dokumentarist është krijues shpirtëror, njohës i jashtëzakonshëm i trashëgimisë dhe pasurisë sonë popullore, si dhe interpretues i saj, madje njërit prej zhanreve më të lashta të krijimtarisë gojore: eposit legjendar dhe atij historik. Në të vërtetë, më parë se sa të përgatiste këto dy vëllime antologjike ai e provoi kujtesën e tij me interpretimin e një vëllimi këngësh epike, e provoi penën e tij me disa vëllime poetike, dhe vetëm në fund mori iniciativën për të përgatitur dy antologjitë me poezi përkushtuese për dy çlirimtarët e kombit: Heroin Ilaz Kodrën dhe dëshmoren Antigona Fazliun. Dhe në vazhdim nxjerr edhe Antologjinë për dëshmorin e kombit Sejdi Kralani, dhe vëllimin më të ri poetik. "....."  Po të shihet krijimtaria e tij poetike e botuar në pesë vëllime, nuk është vështirë të vlerësohet se pjesa më e madhe e krijimtarisë letrare të tij është me poezi përkushtuese, poezi me motive historike dhe në mënyrë të veçantë poezi që shprehin madhështinë e luftës së Ushtrisë Çlirimtare të Kosovës, përkatësisht poezi për dëshmorët e saj.

Ismet Krasniqi Lala - Biografia

Ismet Krasniqi - Lala

Ismet Krasniqi Lala u lind me 16 mars 1951 në Drenoc Komuna e Malishevës. 
U diplomua në Fakultetin Filozofik Dega  Filozofi-Sociologji.
Është aktor profesionist i teatrit, filmit dhe humorit. 
Ka mbaruar Akademinë e Arteve Dega e Aktrimit, klasa e prof. Enver Petrovcit.
Ismeti i takon radhës së atyre krijuesve që zhvillojnë veprimtarinë e tyre në disa fusha kulturore e artistike. Ka zhvilluar një veprimtari të gjerë teatrore në Klinë, Vlorë, Prishtinë, Mitrovicë, Malishevë, Vushtrri, Pejë, Gjilan, Dardanë , Sarandë,  Lezhë, Gjirokastër, Shkodër, Vlorë, Bajram Curr, Fushë Arrës, Vau Dejes, Permet, Libohov, Tiranë, Shkup, Tuz, Malsi e Madhe, Troboin, Rozhajë, Gjermani, Slloveni, Kroaci, Zvicer, Gjermani  dhe anembanë Kosovës. Në 100 Vjetorin e Pavarësisë së shtetit shqiptar, la përshtypje të mira me rolin e Ismail Qemalit dhe Kurt Selacit daja i Azem Galices në filmin e  e regjisorit Halil Budakova. Angazhime të shumta pati në dhjetëra e dhjetëra promovime letrare. Simpatike janë edhe filmimet e produksioneve në lëmin e filmit e humorit e serialeve televizive, hobi e ka fotografin.

Është anëtar i Lidhjes Ndërkombëtare të Poetëve, Shkrimtarëve dhe Artistëve “Pegasi”. Ka qenë kordinator për Kosovë e aktualisht është kryetar Pegasi Albania-Kosova dega në Klinë. Punën  e filloi në gazeten e studentve “Bota e re”, pas perfundimit te studimeve  punoi profesor në gjimnazin “Luigj Gurakuqi” në Klinë. Aktivitetet në Kulturë i filloi me 1969 në shtëpin e Kulturës “Jehona e Dukagjinit”, pjesen me te madhe te punes ne jeten e ti e vazhdoi në këtë Instutucion te kultures duke qene drejtor i shtepise se kultures e më von udheheqes i teatrit “Osman R. Gashi” prej nga edhe u pensionu me 16 mars te vitit 2016. Në skenen e shtepise se kultures  e filloi karjeren prej aktori ne vitin 1970 me shfaqjen “Plaku i Maleve” me regji te Osman R. Gashi, ndersa karieren e punës e mbylli me shfaqjen “Gjyshi im është kuller” teksti Vlora Zhutaj Gashi e regjisor Alban Gashi.

Është themelues i Festivalit të Grupeve Amatore Teatrale të Femijeve (FGATF) në Klinë.
 Ismet Krasniqi eshte  ideator e organizator i manifestimit nga trashegimia kulturore “Dita e Plisit’ të mbjtur gjere me tani ne krushevë të Vogël, në Kullen Muze të Gjon Nikë Gjergjaj (edicioni i parë 2014), Në Kullën e Zenel Berishës në Dabedol të Klinës ( edicioni i dytë 2015) dhe në kullën e Vehbi Ukë Isufaj-Qendra rajonale e Turizmit në Junik ( edicioni i tretë 2016).

Edhe tani eshte mjaft aktiv ne realizimin e shume projekteve nga kultura keto dite pregatit dokumentarin “Dueti legjendar Salih e Feriz Krasniqi” i cili u shfaq edhe ne RTK dhe u prit mire nga opinioni.

Për punen e tij u shperbly dhe u dekoru me Çmime, Diploma e falenderime, po permenim disa prej tyre:

Juria e Festivalit Folklorik “ I kendojme lirise” ne Kline 2001, I ndan diplome per paraqitje te shkelqyshme skenike ne festival ne rolin “ Plaku i Festivalit”.

Festivali rajonal i teatrove Peje, juria e festivalit ia jep diplome për aktorin veteran, viti 2001

Shoqeria Kulturo Artistike Valet e Liqenit” Ladorisht – Struge i jep Mirënjohje për bashkpunim të ndërsjellte, viti 2006.

Komuna Kamenice-Drejtoria per Arsim e Kulturë, Festivali i Teatrove “ Lulekuqet e Prillit” ia jep çmimin Aktori me i mire i Festivalit.

Shoqata e Rapsodeve “Hivzi Sylejmani” Prishtinë, ndan Mirënjohje per kontributin e dhën në lëmin e folklorit, viti 2007.

Kuvendi Komunal- Drejtoria e Arsimit, me rastin e 7 marsit-Dites se mesuesit 2007, ndan Mirenjohje per bashkpunim dhe ndihmese kulturore dhene shkollave te Komunes se Klines.
Komuna Drenas-DKRS, “Festivali Ditet e Humorit Nderkombetar-Drenasi 2009” ndan Mirenohje me motivacion, per kntribut te vecant te dhene ne fushen e humorit.

Teatri “Naser Kodra” Senderaj ndan Mirenjohje per kontributin dhene ne realizimin e filmit dokumentar “Shaban Polluzha-Komandanti Plak” viti 2010.

Festivali I teatrit Vushtrri, ndan Mirenjohje, në shenje respekti për punen dhe veprimtarin e tij ne teater, viti 2010.

Komuna e Klines-DKRS, ia jep çmimin tradicional Komunal, KRIJUES I VITIT 2012, për angazhim e sukses të treguar në veprimtarinë e krijimtarisë se letrave, botuese,teatrore e kulturore ne nivel komunal e kombëtar.

Shoqata Kulturore "Dardania" Montebeluna-TV Itali, i ndau medalje në shenjë bashkëpunimi në 100 Vjetorin e Pavarësisë së Shqipërisë.

Lidhja Nderkombetare e Poeteve,Shkrimtareve dhe Artisteve “Pegasi” Albania i jep titullin e lart” AKTOR I VITIT 2013 PER KOSOVEN I LNPSHA “PEGASI” Albania. Me motivacion: “ KONTRIBUT I SHQUAR NE LEMIN INTERPRETUESE”.

Klubi i Shkrimtareve dhe Artisteve” Tropoje – Juria e Manifestimit Tradicional “ ORA E POEZISË 2013”, ia jep çmimin ne dyte per poezin “Jo, ti per mua nuk ke vdekur”.
Shoqeria Kulturore Artistike “Mirdita” i jep MIRENJOHJE, për mbeshtetje profesionale të veprimtarive të përbashketa mes krijuesve të Klinës dhe Mirditës.

Klubi I Shkrimtareve “Vorea Ujko” ne 20 vjetorin e veprimtarise botuesei jep Cmimin per poli-Art “KORI I MUZAVE” per veprimtarin  ne lemin e aktrimit, librit publicistik, teatrit si dhe veprimtarive te shumta kulturore e letrare.

UNI-ART jep Mirenjohje per kontribut mbi 40 vjet te suksesit ne fushen e artit dhe cultures, ne teater dhe film.

UNIKOMB  me rastin e 103 vjetorit të pavarësisë, i jep Mirenjohje, për kontribut të vecantë dhjetëvjeqarë për çeshtjen kombëtare si poet, folklorist, aktor i pasionuar dhe si model i gjalle i brezave të artisteve me të rinje.

FALENDERIM, për kontributin dhënë Manifestimit “DITET KULTURORE E SPORTIVE “ në përkujtim te Xheladin Gashit-Komandant Plaku.

Ansambli “ SHQIPONJA DUKAGJNIT” Gjakove, ne 40 Vjetorin e Ansamblit i jep Mirenjohje. Motivacioni: Mbeshtetje, perkrahje dhe bashkpunim.

JURIA E Festivalit Nderkombetar “ ART PA KUFI I MONOLOGUT KLASIK 2015” I mbajtur ne Sarandë i jep çmimin “Aktori me i mire i festivalit”.

Qendra e Kultures “ Rexhep Mitrovica” Mitrovicë, shpreh Mirenjohje artistit për pjesemarrje në Festivalin Tradicional te Komedisë, 2015.

Klubi Letrar “PODGURI” Istog, falenderon per pjesmarrje ne konkursin e pare letrar poetik mbarëkombëtar, 2015, çmimi “Dr. Ibrahim Rugova”.

Shoqata për Kulturë dhe Letersi “Tafil Kelmendi” e Malishevës, ia ka dhën çmimin “Dr. Tafil Kelmendi”, për kontributin e dhëne në fushën e kulturës, konkretisht të letrave shqipe.

Komuna Klinës – DKRS, me rastin e pensionimit më 16 mars 2016, i jep Mirenjohje për kontribut shumëvjeqar në zhvillimin e teatrit te Klinës dhe kulturës në përgjithesi.

Lidhja Nderkombetare e Poeteve,Shkrimtareve dhe Artisteve “PEGASI” Albania-Kosova i jepet “ ÇMIMI I LARTË PEGASIAN”, motivacioni: Promovuesi vlerave tradicionale e kulturore, artist i palodhur i skenes dhe aktiviteteve skenike mbar trojeve shqipetare.


Merret me shkrime eseistike e letrare dhe ka të botuara këto vepra letrare:

• “Qesh e Qaj jetën tonë” – me humor,  botoi  KSH “Vorea Ujko”Klinë ( 2005 ),f. 133
• “Folklori art i pavdekshëm” -Kronikë festivalesh, botoi KSH “Vorea Ujko” Klinë ( 2006 ) f. 206
• “Lindja e Luftëtarit” dramë, botoi, KSH “Vorea Ujko” Klinë ( 2008 ),f. 55
• “Dasma e Lulanit” – Komedi,  botoi KSH “Vorea Ujko” Klinë, ( 2008 ) f. 121
• “Rrezet e reja”- poezi në frymën popullore, botuoi KSH “Vorea Ujko” Klinë( 2011 ), f. 
• “Shekuj zgjojnë nga gjumi”-dueti Salih e Feriz Krasniqi, botuoi “Epoka e Re” Prishtinë ( 2012)
• “Porosia e gjyshit” - poezi për fëmijë, botoi KSH “ Vorea Ujko” Klinë  ( 2012 ).
• “Rrugëtim nëpër Amësi”- botoi KSH “Vorea Ujko” Klinë ( 2013 )
• “Këndvështrime kulturore” - botoi KSH “Vorea Ujko” Klinë ( 2013)
• “Frrok Haxhia, ky bard i Folklorit Kombëtar”-monografi,  botoi “Rozafa Prishtinë ( 2014 )
• “Dita e Plisit”,bashkëautor Prend Buzhala e Ismet Krasniqi, botoi KSH “Vorea Ujko” Klinë (2014)
• “Zogu dhe Loni”-poezi për fëmijë, botoi  KSH “ Vorea Ujko” Klinë 2015
• ”Dita e Plisit 2” bashkëautor Ismet Krasniqi e Prend Buzhala Klinë 2015 botues “Rozafa” Prishtinë, f. 256
• Libri: Ne hapsirate e artit: Ismet Krasniqi, botoi :Rozafa: Prishtine 2016
• Libri: Arti i daltuar: bashkautor Ismet Krasniqi e Idriz Berisha, botoi :Rozafa:2017
• Libri: Dita e plisit 3” bashkautor Ismet Krasniqi e Prend Buzhala, botoi :Rozafa: Prishtine 2017

Tani është në proces të botimit libri "Foleja e Shqipes", poezi, botues Shoqata kulturore e letrare “Tafil Kelmendi” Malishevë.

Z. Ismet Krasniqi i ka edhe tri vepra të përgatitura për botim:
Librin kushtuar duetit legjendar Salih e Feriz Krasniqit “SHEKUJ ZGJOJNE NGA GJUMI”, librin “ DASMA TRADICIONALE NE TROJET SHQPETARE: dhe libri per femije “ YLBER MBI KALA”.

Është i pensionuar dhe jeton në Klinë.


Pregatiti: Gjon Gjergjaj